O concello de Muxía abre o prazo de inscrición o vindeiro luns para facer o Camiño Xacobeo dende O Cebreiro durante varias fins de semana. A primeira saída será o 2 de outubro e cada sábado irase en autobús ata a parada anterior e farase a seguinte etapa, así as persoas que traballan durante a semana poderán completar o percorrido de sábado en sábado.
O martes ,10 de agosto, o Alcalde de Muxía, Félix Porto, xunto co mestre e escritor Xan Fernández Carrera, presentou a ruta “ Descubre Muxía. Muxía – Monte Facho”
No acto de presentación comezou falando o Alcalde, Félix Porto, que agradeceu a Xan Fernández Carrera todo o traballo que está facendo a prol da difusión do patrimonio muxián e a colaboración que , con este fin , mantén co Concello de Muxía. Dentro do programa Descubre Muxía Xan Fernández Carrera deseñou xa tres rutas : unha que percorre a vila de Muxía visitando lugares emblemáticos coma os secadoiros de congro e as Pedras da Punta da Barca; outra que vai de Muxía a Os Muíños baixando polo Río Negro e voltando á vila por Chorente, e esta que hoxe se presenta que vai de Muxía ata o Monte Facho.
O Alcalde insistiu na importancia de dar a coñecer estas rutas para promover o turismo cultural e de calidade e destacou o valor do traballo de Xan Fernández plasmado nun folleto cun texto e unhas fotografías impecables.
A continuación falou Xan Fernández Carrera, autor da ruta e do folleto que a exprica, que comezou dicindo que este roteiro, coma os dous anteriores realízase para poñer en valor o noso patrimonio cultural. Fernández Carrera mostrou o seu desexo de converter nun labor colectivo o descubrimento do patrimonio de Muxía, conservando, por suposto, o seu valor máis preciado, a súa costa.
PRESENTACIÓN:
Esta maratón fotográfica está organizada polo Concello de Muxía e a Asociación de Turismo Rural Muxía Natural.
Con esta maratón a organización proponse sobre todo manter viva a memoria do fotógrafo muxián Ramón Caamaño, así como a promoción do patrimonio muxián, a dinamización turística e cultural do concello e a promoción da fotografía como actividade artística e de lecer.
DATAS DE REALIZACIÓN:
Días 9 e 10 de outubro de 2010
