Ruta 5. Igrexas románicas:

Esta ruta resulta de extraordinario interese arquitectónico e cultural, posto que une as igrexas de estilo románico existentes no concello. A mesma non aparece delimitada en trazo continuo, posto que admite varios posibles percorridos e algúns deles solápanse nalgúns tramos con rutas descritas anteriormente. Sen embargo, podemos destacar dous percorridos partindo da vila de Muxía (Igrexa de Santa María): un deles abarcaría as igrexas de Santa María de Morquintián, San Cristovo de Nemiña e Santa Leocadia de Frixe, discorrendo principalmente polos tramos das rutas 1 e 2; o outro abarcaría as igrexas de San Xiao de Moraime, San Martiño de Ozón e San Pedro de Leis, discurrindo polo tramo do "Camiño de Santiago a Muxía" ata San Martiño, e despois por carreteras interiores ata o lugar de Leis.